Таърих

Филиали Ассотсиатсияи Каритас Германия дар Тоҷикистон фаъолияти худро соли 2007 оғоз намуда, дар ҳамкорӣ бо мақомоти давлатӣ ва ташкилотҳои ҷамъиятии маҳаллӣ зиёда аз 30 барнома ва лоиҳаро амалӣ кардааст. Фаъолияти оинномавии Каритас Германия барои рушди хадамоти иҷтимоӣ барои шахсони осебпазир ва ҷамоатҳо, аз қабили хидматҳо дар хона барои пирони танҳо, занони серфарзанд, ки саробони худро гум кардаанд, хатмкардагони мактаб-интернатҳо ва ятимхонаҳо, инчунин маъюбон равона карда шудааст. Ин созмон инчунин қурбониёни ҳолатҳои фавқулодда ва офатҳои табииро дастгирӣ мекунад. Бо мақсади рушди иқтидорҳои маҳаллӣ ва бахши шаҳрвандӣ, Каритас Германия дар Тоҷикистон дар ҳамкорӣ бо ташкилотҳои ғайриҳукуматии маҳаллӣ лоиҳаҳоеро амалӣ менамояд, ки асосан ба дастгирии гурӯҳҳои осебпазири деҳот, ки дастрасии маҳдуд ба хизматрасониҳои иҷтимоӣ доранд, равона карда шудааст. Аз соли 2010 инҷониб самти афзалиятноки Каритас Германия татбиқи барномаи WHO оид ба барқароркунии ҷамоавӣ (CBR) мебошад, ки онро Иттиҳоди Аврупо, Вазорати федералии ҳамкории иқтисодӣ ва рушд (BMZ) ва қароргоҳи байналмилалии КАРИТАС маблағгузорӣ мекунанд. То имрӯз Каритас Германия дар ҳамкорӣ бо мақомоти худидоракунии маҳаллӣ ва ташкилотҳои маҳаллии ҷамъиятӣ лоиҳаҳои CBR -ро дар 6 минтақаи Тоҷикистон: Ваҳдат, Деваштич, Конибодом, Шаҳритуз, Айнӣ, Рашт ва дар ноҳияи Лейлеки вилояти Ботканди вилояти Ҷумҳурии Қирғизистон

Дастовардҳои асосии мо:

Системаи устувори расонидани хидматрасонӣ <<Тавонбахши сатҳи маҳал(ТСМ)>> таъсис дода шудааст ва зиёда аз 7000 нафар маъюбон (ниёзмандон) ва оилаҳои онҳо ба хизматрасониҳои босифати ҷамъиятӣ дастрасӣ пайдо карданд.
Лоиҳаи ҳуҷҷати <<Мушаххасот ва стандартҳои пешниҳоди хидматрасонии ТСМ>> таҳия шудааст, ки дар ҳоли ҳозир аз ҷониби Вазорати тандурустӣ ва ҳифзи иҷтимоии аҳолӣ (ВТВҲИ) дар 10 ноҳияи Тоҷикистон мавриди озмоиш қарор дорад.
Базаи иттилооти (БИ) корбарони хидмат таҳия ва такмил дода шудааст, ки ба манбаи иттилоотии Вазорати тандурустӣ ва ҳифзи иҷтимоии аҳолӣ мутобиқ карда шуда, ба асоси базаи миллӣ ворид карда шудааст.
Модели системаи ташхиси барвақти кӯдакони дорои маълулияти рушд ва дахолати бармаҳал дар сатҳи ҷомеа таҳия ва озмоиш карда шуд, ки онро ВТВҲИ яке аз самарабахштарин дар Тоҷикистон эътироф кард.
Барнома ва модулҳо барои тайёр кардани мутахассисони барқарорсозии ҷомеа таҳия карда шудаанд ва зиёда аз 2000 нафар кормандони барқарорсозӣ ва мутахассисони барқарорсозиӣ омӯзонида шудаанд.
15 тренерони миллии ТСМ омӯзонида шуданд.
Гурӯҳи кории байниидоравии назди Вазорати тандурустӣ ва ҳифзи иҷтимоии аҳолӣ барои таҳияи кадрҳо дар системаи ҳифзи иҷтимоӣ таъсис дода шудааст ва стандартҳои давлатии таълими кори иҷтимоӣ барои зинаҳои олӣ, миёна ва ибтидоии таълими касбии кормандони соҳаи иҷтимоӣ таҳия шудаанд.

Яке аз лоиҳаҳои филиали Каритас Олмон дар Тоҷикистон лоиҳаи <<Такмили системаи таълими касбӣ ва сохторҳои қаблан таъсисёфта дар барқарорсозии ҷамоавӣ дар Тоҷикистон>> мебошад. Ҳадафи лоиҳаи мазкур мусоидат ба фарогирии иҷтимоии маъюбон тавассути таҳкими барномаи барқарорсозии ҷамеа (ТСМ) ва баланд бардоштани сифати омодасозии кормандони соҳаи иҷтимоӣ дар доираи барномаи CBR дар мактабҳои касбӣ мебошад. Лоиҳаи мазкур қисми << Барномаи миллии барқарорсозии маъюбон барои солҳои 2017-2020 >> мебошад, ки аз ҷониби Ҳукумати Ҷумҳурии Тоҷикистон амалӣ карда мешавад ва аз ҷониби шарикони рушд дастгирӣ карда мешавад.

Якҷоя бо шарикон, Каритас Олмон барои рушди ҷомеаи фарогир ва таъмини ҳуқуқҳо ва имкониятҳои баробар барои ҳамаи ҷамоаҳо талошҳои назаррас ба харҷ медиҳад.
Шиори мо ин аст: “Ба зиндагӣ бо амалҳои нек шитобед!»

Таърих

FAROGIR